Біріккен сөз. Жұлдыздар

Қырықбай Сәния Манарбекқызы
Преподаватель казахского языка и литературы
.
.
Сабақтың мақсаты:
Білімділік: Тақырып туралы мәлімет беру. Студенттердің оқу деңгейін күшейту, аударма жұмыстарына көңіл бөлу. Тілді шұбарламай сөйлеуге, тақырыпты нақты әрі жүйелі баяндауға үйрету.
Дамытушылық: Тапсырмалар жазу арқылы ойлау қабілеттерін дамыту. Студенттердің тіл тазалығын,, жазу мәдениетін дамыту. Ой — өрістерін, есте сақтау қабілеттерін дамыту. Сөздерді меңгерту арқылы сөздік қорларын, тіл байлықтарын байыту.
Тәрбиелік: Тазалыққа, ұқыптылыққа  баулу.
Сабақтың түрі: аралас сабақ.
Сабақтың әдіс — тәсілдері: Түсіндіру, сұрақ — жауап, әңгімелесу, тіл дамыту.
Сабақтың көрнекілігі: Оқулықтар, суреттер, интерактивті тақтадағы грамматикалық кестелер
Пәнаралық байланыс: Орыс тілі, география

Сабақтың барысы:

  1. Ұйымдастыру кезеңі:
    1. Сәлемдесу.
    2. Топтағы студенттерді тізім бойынша тексеру, сабаққа келмеу себебін сұрау, білу.
    3. Студенттердің көңілін сабаққа аудару.
  2. Өткен сабақты қайталау, бекіту.

    III. Жаңа түсінікті қалыптастыру:

  3. Грамматикалық тақырып — біріккен сөздер туралы түсінік қалыптастыру
    Біріккен сөздер – екі не одан да көп түбірден бірігіп, бір ұғымды білдіретін және бір сұраққа жауап беретін күрделі сөздер. Мысалы. Ай+балта, жеті+қарақшы және т.б.
    Қазақ тілінде біріккен сөз екі түрлі болады. Бірі — құрамына енген түбірлердің тұлғалары сақталып отырады. Мысалы: түйекұс (түйе-құс), бұзаубас (бұзау-бас), қарақұрт (қара-құрт), басмақала (бас-мақала) т. б. Екіншісі құрамына енген түбірлердің тұлғалары сақталмай, кейбір дыбыстық өзгерістерге ұшырайды. Мысалы: биыл (бұл және жыл, бірінші сөздегі л дыбысы түсіп қалған, екінші сөздің басындағы ж дыбысы й-ға айналған), қыстыгүні (қыстың және күні, бірінші сөздегі соңғы ң дыбысы түсіп қалган, екінші сөздің басындағы к дыбысы ілгерінді ықпал заны бойынша г-ге айналған), түрегелді (тұра және келді, бірінші сөздегі дауысты дыбыстар екінші сөздің әсерінен жіңішкеріп ұ-ү-ге, а-е-ге айналған, екінші сөздің басындағы к дыбысы г-ге айналған). Бұлар ғылым тілінде кіріккен сөздер деп аталады.
    Біріккен сөздерге көбіне мынадай атаулар жатады.
  4. Аң, құс, жәндік, өсімдік атаулары: қосаяқ, тасбақа, егеуқұйрық, жолбарыс, көкқұтан, текесақал, алабота, аққу, қарақұрт, итмұрын, саңырауқұлақ, бәйтерек, бәйшешек т. б.
    2. Географиялық атаулар (жер, су, планета аттары); Жетіқарақшы, Темірқазық, Ақбозат, Көкбозат, Сарысу, Қызылорда, Әулиеата, Алакөл т. б.
    3. Кісі аттары: Орынбасар, Сейілбек, Мұхамеджан, Қойбагар, Жаңбырбай, Есенәлі, Бейсенбай т. б.
    4. Дене мүшелері, анатомиялық атаулар: асқазан, тоқішек, ұлтабар, мойыномыртқа, кәріжілік, сегізкөз, тазқарын т. б.
    5. Ауру атаулары: алаөкпе, көкжөтел, қылтамақ, қарасан т. б.
    6. Ойын атаулары: алтыбақан, ақсуйек, балтамтап, доптаяқ, орынсатпақ т. б.
    7. Ән, күй, өлең аттары: Саржайлау, Сарыарқа, Қараторгай, Кісенашқан, Сегізаяқ т. б.
    8. Қоғамдык өмірге, күнделікті тұрмысқа байланысты әр түрлі атаулар: баспасөз, қолбасшы, кәсіпорын, шекара, еңбеккүн, отағасы, ақсақал т. б.
    9. Мезгілге байланысты атаулар: биыл, бүгін, қыстыгүні, жазғытұрым, күздігүні, әнеугүні т. б.
    10. Белгісіздік, болымсыздық мәндегі атаулар: ешкім, ештеңе, қайсыбіреу, әлдекім, әрқайсысы, ешқашан, кейбір, әрбіреу, әлдеқашан т. б.
    2. Біріккен сөздердің емлесі.
    1. Біріккен сөздер әрқашан бірге жазылады. Мысалы: баспасөз, шекара, қарақұс, әлденеше, әркім, Ақтөбе, Талдықорган, бесжылдық.
    2. Кіріккен сөздер түбір тұлғасының дыбыстық өзгерген түрінде жазылады. Мысалы: ашудас (ашутас емес, ащытас емес), ендігәрі (ендігіденәрі емес), сөйтіп (солайетіп емес), қонағасы (қонақасы емес), Өмірзақ (Өміріұзақ емес), Бегәлі (Бекәлі емес), бүгін (бұл күн емес) т. б.
    3. Еш, бір, әр, кей, әлде деген сөздер есімдіктермен (мысалы, еш сөзі кім, бір, қандай, қайда, қашан, теңе сөздерімен, бір сөзі неше, талай, аз, ыңгай, келкі, жола, жолата, қыдыру сөздерімен, әр сөзі кім, қашан, қайсы, дайым, бір, қалай сөздерімен, кей сөзі бір, біреу сөзімен, әлде сөзі кім, қашан, қалай, қайда сөздерімен) бірігіп жазылады да, зат есімдердің анықтауышы ретінде жұмсалғанда, олардан бөлек жазылады. Мысалы: еш бала, еш жерде, бір мектепте, әр оқушы, кей адам т. б.

    3. Сөздікпен жұмыс:
    жұлдыздар – звезды
    ежелден – с древних времен
    үйлесімділік – гармония
    күрделі – сложный
    салауатты өмір – здоровый образ жизни
    время – уақыт

    4. Интерактивті тақтада берілген аспан әлеміндегі жұлдыздар атауына қатысты тапсырманы орындау. (Жұлдыз аттарын меңгеру, олардың ішінен біріккен атауларды табу)

    IV. Жаңа сабақты бекіту. Топты 3 командаға бөлу

    І топ – Жетіқарақшы
    ІІ топ – Үркер
    ІІІ топ – Марс (сөздерге морфологиялық талдау жасау)

    V. Сабақты қорыту: Сұрақ-жауап
    VI. Үй тапсырмасын беру: «Жұлдыздар» тақырыбына шағын мәтін жазу. Сөздікпен жұмыс. Ережелерді жаттау.

VII. Бағалау.