Жануарлар әлемінде

Ахметжанова Акмарал Марленовна
Тәрбиеші
.
.
Мақсаттары:
1.Тәрбиелік:туған өлкенің жануарларын қорғау мен қамқорлыққа алу сезімдерін  тәрбиелеу.
2.Дамытушылық:табиғат жаратылысына қарай олардың орманда тұратындары жайлы түсініктерін дамыту.
3.Оқыту: Қазақстан еліндегі жабайы аңдар туралы білім беру.
Педагогикалық технологиялар : ойын технологиясы, денсаулық сақтау технологиясы, дамытушы технология, АКТ.
Ресурстармен қамтамасыз ету: презентация, суреттер, тапсырмалар (суреттер бояу).
Билингвалдық компонент: қыс-зима, жабайы аңдар- звери, жаңғақ-орехи, апан-берлога, ағаштың қуысында-дупло.
Ұйымдастырылған оқу қызметінің барысы
1.Ұйымдастырушылық  кезеңі
-Балалардың назарың теледидарға аудару.
Презентация: «Жануарлар не жейді?»
Мақсаты: жануарлар туралы білімдерін кеңейту, оларды топқа бөле білу, немен көректенетінің анықтау.
Презентация бойынша әңгіме құрастыру.
-Аю қалай қысқа дайындалады?
-Тиін нелерді азық етеді?
-Қоян қыста қандай түске енеді?
  1. Негізгі бөлімі
Жабайы аңдардың мекені орман, тау-тас, дала екені туралы әңгімелеу. Жыл мезгілдерінің  өзгеруіне қарай жабайы аңдардың өмір сүруі де өзгерістерге ұшырап отырады.
 Мысалы: Қоршаған ортаның өзгеруіне қарай кейбір аңдар өздерінің түстерін өзгертеді (қоян қыста ақ түске енді, аю апанда ұйықтайды,  тиын қысқа көп жаңғақ жинайды, ағаштың қуысында өмір сүреді).
Аңдар немен көректенеді?
Қыста олар қалай өмір сүреді?
Қыста қардың көп түсуіне  байланысты жабайы аңдардың азық табуы қиынға соғады. Сондықтан оларға адамдардың тарапынан қамқорлық қажет болады. Орманшылар қыс мезгілінде жабайы аңдарды өздерінің  қамқорлығына алып жан-жақты жағдай жасайды. Оларға шөп, жем береді.
Сурет бойынша әңгіме.
Ж.Кәрбозин «Қоян»,
                      Қоян, қоян,
                      Секеңдеп:
                      «Судан қарғып
                      Өтем»-деп,
                      Тауып, құлап
                      Түстің.
                      Не болжды енді,
                      Үстің?!
                      Сен әзірше
                     Тек тұр.
                      Киіміңді
                      Кептір.
Қ. Жұмағалиев «Ақ тиін»
                            Ағаш басы-
                            Мекені.
                            Бірақ,
                            Құс дей алмайсың.
                            Құстарға ұқсас екенің
                            Мінезінен  аңдайсың.
                            Құс емес,
                            Аң болса да,
                            Ан  екенмін демейді.
                            Қажет етпей оншама,
                            Жерді
                            Мекендемейді.
                            Қорықпайды бұл өзі-
                            Ұнатады биікті.
                            Моп момақан мінезі-
                           Сонысымен сүйікті.
Дидактикалық ойын «Қоян мен тиінға көмектес»
Мақсаты: қоян мен тиінның азықтарын ажыратып, екі топқа болу.
Тапсырмалар:
а) Қоян қыста қандай түске енеді?
ә) Тиін қысқа қандай азық жинайды? (бояу)
  1. Қорытынды. Рефлексия.
Дидактикалық ойын: «Қай жануар қайда мекендейді?» Мақсаты: жабайы жануарлар туралы білімдерін қалыптастыру.
Жұмбақ жасырып, алған білімдерін бекіту.
 Өзіне болған қорған-орман,
Ішінде бар, бір аң қорбаң-қорбаң. 
                                                     (Аю) Көлеңкесінен қорқып безектейді, 
Ал, оның баласын көжек –дейді
                                                            (Қоян)

Ағаштан-ағашқа секірген,
Кішкентай ғана шапшаң аң.
 (Тиін)